Category Archives: 5 տարեկաններ
Մենք կարողանում ենք
Աշնանային հավաք
ՀՀ ԿԳՆ Երևանի «Մխիթար Սեբաստացի» կրթահամալիր
Հեղինակային կրթական ծրագրերի աշնանային ամենամյա ստեղծագործական 9-րդ հավաք
2014թ. սեպտեմբերի 22-26
25 տարի մոբիլ և ստեղծական
Քաղաք Երևան
Նախադպրոցական կրթություն
5 տարեկանների ուսուցում ծրագրեր
նախագիծ
թեմա | ժամկետ | Իրականացման վայրը | պատասխանատու | լրացուցիչ |
2-5. լուսանկարում ենք մենք | 22-26 | Մարմարյա սրահ | Բոլոր դաստիրակներ | Սաների արած լուսանկարների ֆիզիկական ցուցադրություն |
Նոր դպրոցի նախակրթարանի նոր խմբի բացում |
|
Նոր դպրոց |
Կարինե Պետրոսյան | |
Ամառային պարտեզ. ջրային խաղեր | Գեղարվեստի դպրոց | Ինգա Անտոնյան
Նելի Արղության |
||
Բնագետիկ | Գոհար Զարգարյան Գոհար Սմբատյան |
|||
Տատերական փառատոն. նախագիծ | Բ-4 դպրոց-պարտեզ | Կարինե Խառատյան Աիդա Պետրոսյան |
||
Խումբ – համույթ | ||||
Սանի թերթիկ | Բ-4 դպրոց-պարտեզ | Անուշ Աղաբաբյան
Աշխեն Թադևոսյան |
||
Առավոտյան ծես | Նոր դպրոց
Գեղարվեստի կրտսեր |
Լուսինե Նազարյան
Գայանե Գասպարյան Օլյա Մանդալյան |
||
Դաստիարակի օրագիր | Աննա Հայրոյան
Օլյա Մանդալյան Անուշ Աթայան |
|||
Երգ -խաղիկ | Հիմնական դպրոց
Բ-4 դպրոց-պարտեզ |
Մարինե Մկրտչյան Լիլիթ Առաքելյան Սոֆա Գրիգորյան |
||
Խումբ համույթ | Նոր դպրոց
Գեղարվեստի կրտսեր դպրոց |
Տաթ Ստեփանյան
Արմենուհի Խաչատրյան Հասմիկ Գոհար Զարգարյան |
||
Ինքնուրույն 5 տարեկան. Մանկական խոհանոց | Հիմնական դպրոց | Տատթև Մելքոնյան
Հռիփսիմե Համբարձումյան |
||
Տնային առաջադրանք 2-4 | Գեղարվեստի կրտսեր դպրոց | Գոհար Զագարյան
Բուրաստան Օսիպյան |
Շուտով գուլպաներով են գալու պարտեզ. ինքնուրույնՓորձեք բոլոր գուլպաները, աշնանյին կոշիկները … |
Սեպտեմբերիկ-մեծ խաղ
Սեպտեմբերիկ
Ծրագիր
5 տարեկանների ամսական ամփոփում-խաղ
Խաղի հիմքում Մեղու ոտանավորն է:
Վայրը՝ մարմարյա սրահ՝ խոհանոցով
Օրը՝ հոկտեմբերի 3, ժամը 11.00
Խաղավարներ՝ Տաթև Ստեփանյան, Հասմիկ Մաթոսյան՝ մայր մեղուներ:
Դաստիարակներն ու օգնականներն էլ են մեղուներ:
Օգնում են նաև Մերի Առաքելյանը, Լիլիթ Առաքելյանը կամ երգչախմբի շնորհալի դասվարներ, առաջարկեք: Հասմիկի և Տաթևի փոխարեն աշխատում են սրահում:
Մարզախաղը օղակներով է՝ մարզասրահում կամ մարզահրապարակում:
Տեխնիկական պատասխանատու՝ Կարեն Խաչատրյան:
Դպրոցների տնօրենները սաներին նվիրում են այգեգործական գործիքներ կանաչ խանութից՝ մի հավաքածուն արժե 2400 դրամ:
Հյուրասիրություն՝ խնձոր կամ փայտիկով մեղր: Կարծում եմ խնձորը ճիշտ է, աբյց մեղուն էլ հետաքրքիր է, ամեն դասարան մի փոքր աման մեղր է ունենում և դեղատնային միանգամյա փայտիկներ:
Ամբողջ ընթացքում աշխատում ենք շրխկաններով:
Սաները նստած են հատակին, շրջանաձև: Ոչ թե դասարան-դասարան, այլ երկու ընդհանուր շրջան իրար մեջ;
Նույն կերպ՝ խոհանոցի հարթակին, աստիճանների այդ մասը դատարկ պիտի լինի, որ հարթակը երևա: Հարթակին՝ Նոր դպրոց և Գեղարվոստ: Հոկտեմբերիկի ժամանակ տեղերը կփոխեն:
Ընթացքը՝
Պըզզան-, պզզան, պըզպըզան,
Պը՜զ-պը՜զ, պը՜զ- պը՜զ, պը՛զ-պը՛զ- պը՛զ -պը ՛, պըզպըզան
Պը՜զ-պը՜զ, պը՜զ- պը՜զ, պը՛զ-պը՛զ- պը՛զ -պը ՛, պըզպըզան
Պստիկ մեղուն տզտզան…
Տը՜զ-տը՜զ, տը՜զ- տը՜զ, տը՛զ-տը՛զ- տը՛զ -պը ՛, տըզտըզան
Տը՜զ-տը՜զ, տը՜զ- տը՜զ, տը՛զ-տը՛զ- տը՛զ -տը ՛զ, տըզտըզան
տզտզան –տզտզան, տզտզան- տզտզան, տզտզաաաաաան :
Արեգակը դուրս է ելել պսպսղալով:
Պսպղալո՜վ, պսպսղալո՜վ, պսպսղալո՜վ
Շողքը երթից ներս է ընկել՝
Շողշողալով. շողշողալով. շողշողալով.
Դաաաաշտ ու հովիիիիտ կթռչես
Կթռչե՞ս, կթչե՞ս, կթռչե՞ս…
Կթռչեմ, կթռրեմ, կթռչեմ:
Բարձր սարեր կշրջես,
Կշրջե՞ս, կշրջե՞ս, կշրջե՞ս,
Կշրջե՛մ, կշրջե՛մ, կշրջե՛մ:
Ծիտը ծառին ծլվլում է ՝
Ծիվ, ծիվ, ծիվ,
Բազեն գլխին պտտվում է՝
Վույ, վույ, վույ…
Ծույլ տղայի քունն է տարել
Խռմփալով.
Տրեխները շունն է տարել
Մռմռալով:
5 էծ ունեմ ուլերով ուլերով՝
Արտուտիկ,
Նախշուն տոտիկ,
Իջնեն կալեր
Գողտիկ-մողտիկ,
Ընտրեն քարեր,
Ուտեն կուտիկ,
Կըծըլվըլան
Կըթիկ- կըլթիկ:
Խաղ Խաշիլ ճաշ Այ թռչուն, այ թռչուն բառերի փոխարեն ասում են՝ Արտուտիկ, արտուտիկ
Եկեք ծեծենք սոխ ու սխտոր
Սա սաները կատարում են շրխկանով
Երգում է սրահը:
Իշու դընչիկ, էրկու փընջիկ,
Հոշ,՛ տրա-նի նա նա-նա:
Մին վարդենիկ, մին սըմբուլիկ
Չո՛շ, տրա–նի նա նա–նա:
Իշու դընչիկ, էրկու փընջիկ,
Հոշ,՛ տրա-նի նա նա-նա:
Մին վարդենիկ, մին սըմբուլիկ
Չո՛շ, տրա–նի նա նա–նա:
Զ՛էշ քաշեցին ի հրապարակ,
Հոշ,՛ տրա-նի նա նա-նա:
Ժողովեցան շուրջ բոլորակ:
Չո՛շ, տրա–նի նա նա–նա:
Ժողովեցան շուրջ բոլորակ
Հոշ,՛ տրա-նի նա նա-նա:
Էտու նմա ճոխ կարկանդակ:
Չո՛շ, տրա–նի նա նա–նա:
Ժողովեցան շուրջ բոլորակ:
Հոշ,՛ տրա-նի նա նա-նա:
Էտու նմա ճոխ կարկանդակ:
Չո՛շ, տրա–նի նա նա–նա:
Էտու նմա ճոխ կարկանդակ
Հոշ,՛ տրա-նի նա նա-նա:
Մեծարեցին արքայանա՜կ:
Չո՛շ, տրա-նի նա նա-նա:
Էկրանին սաների կարողություններին վերաբերող կարճ հատվածներ կցուցադրվեն:
Ծուղրուղու~
5 տարեկանների կրթական ծրագիր
Նախագծային ուսուցում- http://partez.mskh.am/?p=3734
«Մխիթար Սեբաստացի» կրթահամալիր
«Ստեղծողի դպրոց. անհատի կրթական պատվեր. մեդիակրթություն» պետական այլընտարանքնային ծրագիր
«Նախադպրոցական կրթություն» կրթական ծրագիր
5 տարեկանների նախապատրաստական խումբ
Սեպտեմբեր-դեկտեմբեր
Բանավոր խոսքի զարգացում
Պատմելու, վերապատմելու ունակության զարգացում
Թեման՝ «Ես »- 4 ժամ
Նկարում են, պատմում իրենց մասին, մեկը մյուսին հարցեր է տալիս «ես»-նկարի մասին, ինչը նպաստում է հարցը լսելու և հասկանալու կարողության զարգացմանը:
Մայրիկների խնդրում են պատմել իրենց ծնվելու, կյանքի առաջին մեկ-երկու ամսվա մասին և նրանց պատմածը վերապատմում են դասարանում ուսուցիչը նկարահանում և ֆիլմ է պատրաստում:
Դիտում են այդ ֆիլմը և լսում են իրենց, ընկերոջ խոսքը…
Սանը պետք է իմանա իր անունը, ազգանուն, տարիքը…
Ներկայանալու ունակության զարգացում- 2 ժամ
Սաները պատմում են իրենց անվան մասին, ներկայացնում են այն մարդուն, ում անունը որ իրենք կրում են: Մայրիկի օգնությամբ սաները ֆիլմ են պատրաստում. միասին նկարահանում պապիկ-տատիկին: Նրանք պատմում են իրենց անվան ծագման մասին և այն մասին, թե ինչպես են թոռնիկներին կնքել իրենց անուններով: Սա ընտանիքին ուսումնական գործընթացում ներգրավվելու հրաշալի հնարավորություն է:
Իմ ընտանիքը- 2 ժամ
Ներկայացնում են ընտանիքը, նկարում, դասարան են բերում ընտանիքի անդամների, հարազատների լուսանկարները և պատմում. Նկարագրում և բնութագրում նրանց:
Շրջակա միջավայրի նկարագրություն — 2 ժամ
Պատմում են իրենց բնակավայրի, / պետք է իմանան իրենց հասցեն, հեռախոսահամարը/, բակի, դպրոցի, դասասենյակի մասին:
Նկարագրում են դրանք, համեմատում մեկը մյուսի բնակավայրի, բակի… հետ, գտնում տարբերություններ, ընդհանրություններ…
Ծանոթ մարդկանց նկարագրություն նրանց բնութագրելու փորձեր- 2 ժամ
Մենք, մեր դասարանը, մեր ուսուցիչը
Նկարագրում են միմյանց, փորձում են առաջին բնութագրումները կատարել:
Հարցազրույցներ միմյանց հետ- առաջին անգամ փորձում են օգտագործել ձայնագրիչը:
Փոքրիկ ասիկներ, ծափխաղեր ՝ «Ծուղրուղու» ժողովածուից — շարունակական
Այս և մնացած վերը նշված բոլոր պատումներում պետք է հետևել, որ բառերը հստակ արտասանեն, ճիշտ արտաբերեն հնչյունները և նպաստել բառերի հնչյունները լսելու ունակության ձևավորմանը:
Ներկա-բացակայի էլեկտրոնային թերթիկին իր նկարի դիմաց ամեն օր օրինակ տ տառով նշում է իր ներկան:
Մաթեմատիկա
Առարկաների գույները. /2 ժամ/- գույների ճանաչումը կարելի է տարբեր հնարքներով իրականացնել՝ հետաքրքիր, ուրախ, գործնական:
Օրվա գույն. Պայմանավորվում են հագնել տարբեր գույնի միագույն շապիկներ: Խմբեր են կազմում և առաջադրանք ստանում: Կարմիր շապիկ հագած սաները ջրում են ծաղիկները, կապույտ շապիկներ հագած սաները աշխատում են խոհանոցում:
Դպրոց գալ օրվա գույնին համապատասխան փուչիկներով, որը նրանց համար հետաքրքիր ու զվարճալի կլինի:
Սաները կարող է խնդրել, որ ծնողները, տատիկ-պապիկները նույնպես հագնվեն օրվա գույնին համապատասխան:
Դաստիարակը Smart ծրագրով պարզ խաղեր է ստեղծում:
Սովորում ենք գույները մրգերի և բանջարեղնեների մասին պատրաստած Smart դասիր միջոցով: Ասել ինչ միրգ է և ասել դրա գույնը, եթե ճիշտ է գուշակում, ապա դիպչում է մրգին և լսում մրգի անունն ու գույնը:
Օրինակ՝ Խնձոր- կարմիր, տանձը- կանաչ…
Այնուհետև համակարգչի նկարչական paint ծրագրով ներկում են ուսուցչի կողմից նախապես շրջանագծած, իրենց արդեն ծանոթ մրգերն ու բանջարեղենը համապատասխան գույներով:
Աշխատանքը լուծում է մի շարք խնդիրներ. Ճանաչում են գույները, ծանոթանում են մրգերին և բանջարեղենին, զարգանում է նրանց մանր մոտորիկան, ուշադրությունը…
Երբ սանն արդեն որոշ չափով ճանաչում է գույները. կարելի է Smart ծրագրով մեկ այլ խաղ անցկացնել.
Էջի վրա տեղադրել տարբեր գույնի կոնֆետներ և հանձնարարել առանձնացնել կոնֆետներն ըստ գույների:
Յուրաքանչյուր գույնի համար նա առանձին ափսե ունի:
Այս խաղը կարող է երեխան խաղալ նաև տանը. դեղին կոնֆետները կտաս մայրիկիդ, կանաչը՝ հայրիկիդ, կարմիրը՝ դու կուտես…
Գույն-տրամադրություն: Զրուցում են տրամադրությունների մասին, որոշում են տրամադրությունների գույները, փորձում են մեկնաբանել գույն-տրամադրություն կապը: Այնուհետև համակարգչի Paint ծրագրով նկարարում են որևէ տրամադրություն:
Գույների մասին տարբեր պատմություններ են հորինում…
Առարկայի դիրքը մեկ այլ առարկայի նկատմամբ./ 3 ժամ/- Տակ, վրա, կողք, մեջետեղ, առաջ- առաջին, վերջ-վերջին,, նախորդ, հաջորդ, տարածության պատկերացում…
Շարք, սյունակ
Սկզբում սաների միջոցով ձևավորել այդ հասկացությունները. ո՞վ է կանգնած քո դիմաց, քո ետևում կամ քո կողքին: Կարելի է իրականացնել առարկաների, smart դասի միջոցով: -/2 ժամ/
Տարածական–ժամանակային առնչություններ. Սկզբում-հետո, շուտ-ուշ:
Առարկաների չափեր, դրանց համեմատում. /3 ժամ/
/Առարկաների միջև առնչություններ՝ մեծ-փոքր, կարճ-երկար, հաստ-բարակ, լայն-նեղ նույն չափսի/:-
Նախ համեմատում են ձևով նույնը չափսերով տարբեր 2 առարկա՝ մեծ-փոքր, հետո 3 առարկա:
Բարձր-ավելի բարձր-ամենաբարձր աշտարակներ, ծառեր, շենքեր, իրենց հասակները… և հակառակը՝ ցածր-ավելի ցածր-ամենացածր
Երկար-ավելի երկար-ամենաերկար և հակառակը՝ կարճ-ավելի կարճ-ամենակարճ
Լայն-ավելի լայն-ամենալայն և հակառակը՝ նեղ-ավելի նեղ-ամենանեղ:
Smart ծրագրով համադնելով (մեկը մյուսի վրա դնելով) համեմատում են նույն երկաչափական պատկերները, մրգեր, բանջարեղեն, տարբեր պատկերներ…
Համեմատում են իրենց ձեռքերը, ոտքերը, հասակները, տարբեր երկարության քանոններ, փայտեր, պարաններ, փուչիկներ:
Առարկաների քանակը 3-ից ավել է: Դասավորել աճման կարգով՝ մեծից փոքր, հաստից բարակ, երկարից կարճ և հակառակը:
Նույն աշխատանքը անել smart ծրագրով.
Դասավորել տարբեր առարկաները աճման կարգով՝ մեծից փոքր, հաստից բարակ, երկարից կարճ և հակառակը:
Այնպես, որ համեմատելը սաների համար դառնում է հաճելի զբաղմունք, համեմատում են ամեն ինչ:
Սովորածը ամրապնդելու համար հանձնարարվում է համակարգչի paint ծրագրով նկարել նույն ձևի տարբեր չափի առարկաներ/ երկար ու կարճ մատիտներ, հաստ ու բարակ պարաններ, բարձր, ցածր շենքեր և այլն/:
Հանձնարարվում է տուն գնալիս մայրիկի օգնությանբ նկարահանել երկար ու կարճ ճանապարհներ, բարձր, ցածր ծառեր, բարձր, ցածր շենքեր, լայն ու նեղ ճանապարհներ…/:
Պատկերացում ժամանակի մասին- Օրվա պահեր` առավոտ, երեկո, ցերեկ, գիշեր, երեկ, այսօր, վաղ, շաբաթվա օրերը — Պատմում են այդ օրերին արածի, պատահածի, իրադարձությունների մասին, լինելիքի մասին: Նկարում են օրվա պահերը:
ՏՀՏ
Մեծի օգնությամբ տեխնիկայից օգտվելու հմտությունների ձևավորում:
Սովորում են միացնել, անջատել նեթբուք- նոթբուքը, գտնել անհրաժեշտ նյութը էկրանին, բացել և դիտել այն, ստեղնաշարից օգտվել:
Ներկա-բացակայի էլեկտրոնային թերթիկին իր նկարի դիմաց ամեն օր օրինակ տ տառով նշում է իր ներկան: /10 օր մի տառով նշել, որպեսզի ամրապնդվի, հետո մեկ այլ տառով/:
Միջավայրի խնամք- Ամեն առավոտ դասասենյակը, բակը մաքրելու, ծառերը, ծաղիկները ջրելու, խնամելու սովորության ձևավորում:
Խոհանոցում իրենք են սպասքադրում սեղանը, մատուցում ուտելիքը, իսկ ուտելուց հետո հավաքում են, սրբում սեղանը: Օրվա ընթացքում հետևում են դասասենյակի մաքրությանը:
Յուրաքանչյուր գործունեությունից հետո / նկարել, աշխատել կավով, ծեփամածուկով, խմորով…/ պետք է հավաքեն, մաքրեն դասասենյակը:
Աղցանի պատրաստում:
Կերպարվեստ տեխնոլոիա
Նկարում են ամեն օր- գուաշով և վրձինով, աշխատում են կավով և ծեփամածուկով:
Երգ–պար
- Երգերի, պարային պարզագույն շարժումների ուսուցում
- Երաժշտական ունկնդրում
- Ծիսական երգերի ուսուցում
- Ծեսի երգը՝ Ջան, ջան, ջան, աշուն է¦
Մարմնակրթություն
Ամենօրյա ֆիզիկական գործունեություն
Մարմնամարզություն
լողուսուցում
Մարզական խաղեր
/Ազգային խաղեր/
Մարմնի հիգիենա
Հոկտեմբեր
Բանավոր խոսքի զարգացում
Պատմում է իր հետ կատարվածի, իր տեսածի, իր հետ կապվածիրադարձության մասին- անընդհատ
Վերապատմում է լսած պատմությունը, հեքիաթը, դիտած ֆիլմը
Ուսուցիչը պատմում է հեքիաթը, սաները ուշադիր լսում են, որից հետո նրանցից յուրաքանչյուրը պատմում է լսածը, որքանով որ կարողանում է:
Քննարկում են հեքիաթի հատվածները առանձին-առանձին, թվարկում հեքիաթի դեպքերն ըստ հերթականության, ներկայացնում միջավայրը…
Անպայման նկարում են հեքիաթն ամբողջությամբ, ինքնուրույն մասերը, կերպարները:
Ուսուցիչը ձայնագրում է սաների պատմած հեքիաթը, որը հետաքրքրում է բոլորին. լսելու, զվարճանալու, հասկանալու, ճանաչելու, մտածելու, հետազոտելու համար:
Սաներն ավելի ուշադիր են դառնում իրենց խոսքի նկատմամբ: Պատմողն ու ընկերները անպայման լսում են տեսագրված կամ ձայնագրված պատումը:
Սանը նախ ի՛ր խոսքը լսելու, ի՛ր խոսքին հետևելու հնարավորություն է ունենում:
Յուրաքանչյուր հեքիաթ, նյութ լավ է յուրացվում, երբ խաղում են նրանով:
Հոկտեմբերի 17-27 –ը ըստ ուսումնական օրացույցի խնկոյանական օրերն են, ուստի կաշխատենք նրա ստեղծագործությունների վրա.http://www.abcd.am/abcd/bookview_v2_4.php?p_id_text=5840#.U-oRHfl_s6g
«Տիկնիկ» թատերական ստուգատես
Իրենց նկարած նկարներով /թղթե Տիկնիկային ներկայացում .ստվերային/:
«Ճպուռն ու մրջյունը», «Պոչատ աղվեսը»- /Փախավ աղվեսը, փախավ թակարդից…/, «Մկների ժողովը»…
Հեգելու հմտությունների ձևավորում երգերի, ծափխաղերի, հաշվերգերի և այլ միջոցներուվ:
Սովորում են վանկատել– փոքրիկ ասիկներ, ծափխաղեր / «Ծուղրուղու» ժողովածուից/ – արտասանում են տարբեր ձևերով վանկատելով, վանկատելով ու ծափերով, վանկատելով և ոտքով գետնին հարվածելով…
Ստեղծագործական երևակայության զարգացում– մրգերի և բանջարեղենի նկարագություններ, դրանց բնութագրում, պատմություններ կերպավորված մրգերի և բանջարարեղենի շուրջ:
Հեքիաթների շիլափլավ– մեր սովորած հեքիաթները իրար խառնել` հեքիաթների շիլափլավ և նոր հեքիաթ ստանալ: / Տիկնիկային ներկայացում/:
Լեզվամտածողության զարգացում- Պարզագույն բառերի միացումով նոր բառերի ստացում
օրինակ` ջուր+ծափ= ջրածափ կամ ջրծափ ծափ+ ջուր=ծափաջուր/
Նախադասություն կազմելու հմտության ձևավորում- Խմբային պատմության հորինում մեկական նախադասությամբ /նախ ամեն մեկը մի առարկա է ստանում և «մի բան է ասում դրա մասին», հետո ասածները (նախադասությունները) միացնում ենք/:
Ներկա-բացակայի էլեկտրոնային թերթիկին իր նկարի դիմաց ամեն օր օրինակ ն տառով նշում է իր ներկան: /10 օր մի տառով նշել, որպեսզի ամրապնդվի, հետո մեկ այլ տառով/:
Մաթեմատիկա
Առարկաների կամ պատկերների խմբավորում ըստ ընդհանուր հատկությունների. հավաքածուների կազմում:
Էլեկտրոնային գրատախտակին տարբեր խմբերի առարկաների խառը խումբ է, սաները դրանք խմբավորում են ըստ որոշակի հատկանիշի:
Դրանք երկրաչափական պատկերներ են, տարվա տարբեր եղանակներին բնորոշ առարկաներ, երևույթներ, կենդանիներ և թռչուններ…
Սկզբում խմբավորում են ըստ 2 հատկանիշների, հետո աստիճանաբար հատկանիշների թիվն ավելացվում է:
Հավաքածուից մասի անջատում
Ընդհանուր հավաքածուից առանձնացնում են նույն հատկությունն ունեցող առարկաներ:
Smart ծրագրով դաս պատրաստել, որտեղ սովորողները պետք է հավաքածուից մաս անջատեն,
Օրինակ՝
Ընտանի կենդանիներիներին տանել գոմ, վայրի կենդանիներին՝ անտառ:
Մրգերը լցնել զամբյուղի մեջ, բանջարեկենը՝ արկղի…
Պտուղների խմբից առանձնացնել մրգերը:
Կենդանիների խմբից առանձնացնել թռչուններին:
Գործիքների խմբից առանձնացնել կտրող գործիքները:
Խոհանոցում մրգային աղցան պատրաստել՝կտրատածը միրգը կարմիր թասի մեջ լցնել, ամբողջական միրգը՝ կանաչի…:
Քանակ հասկացությունը անկախ առարկաների տեսքից
- Հաշիվ . մեկ, շատ
Սաները պիտի ընկալեն, պատկերացնեն 1-ի գաղափարը, հետո արդեն՝ մնացած թվերը:
Հաշվում են միայն առարկաներով՝ փայտիկներ, շշերի կափարիչներ, մետաղադրամներ, կորիզներ, համրիչներ, իրենք իրենց.
կանգնում է մի երեխա, հարցնում ենք քանի հոգի է պատասխանում են մեկ, հետո մոտենում է մեկ ուրիշը և այդպես մինչև քսանը:
Հաշվում են ավելացնելով, հետո՝ պակասեցնելով:
Էլեկտրոնային գրատախտակի վրա տարբեր առարկաներ են տեղադրված, նրանք հաշվում են այդ առարկաները և գցում արկղի մեջ, ամեն գցելուց լսվում են նախապես ձայնագրված և առարկային կցված ձայնը /մեկ, երկու, երեք…/
Հանձնարարվում է տուն գնալիս հաշվել մեքենաները ըստ գույների.
Հաշվել քանի հատ կարմիր, կանաչ, կապույտ… մեքենա ես տեսնում մինչև տուն հասնելը: /Այս հանձնարարությունը կատարելիս ամփոփում են գույները/:
Հավասարության գաղափար կամ հասկացություն. նույնքան
Քանակն արդեն կապված չէ առարկաների արտաքին տեսքից, դիրքից կամ այլ հատկություններից:
Այս հասկացության յուրացման համար բացառվում է համրանքը, կիրառվում է միայն զուգորդման մեթոդը:
Մի առարկայի կողքին դնում են մեկը՝ հասկանալու համար հավասարության գաղափարը:
Հետո զուգորդում-համեմատում են 2 առարկա, 3 առարկա, 4 առարկա, 5 առարկա :
Սաները նշում են իրենց տնկած ծառերի քանակը ամեն ծառի փոխարեն մի նկար, նիշ կամ գիծ նկարելով:
Խմբերի թվերն համեմատում են զուգորդման միջոցով. շատ, քիչ
Զուգորդման միջոցով որոշում են, թե որ խմբի առարկաներն են շատ (այն խումբը, որի առարկան կամ առարկաները մյուս խմբում այլևս զույգ չունեն):
Նույն սկզբունքով որոշում են քիչ թվով առարկաների խումբը:
Սաները հասկանում են, որ խմբում առարակաների քանակը կփոխվի, եթե խմբից առարկաներ են վերցնում կամ նոր առարկաներ են ավելացնում:
Այսպիսի դասրեն են պատրաստում smart ծրագրով. Նկարված են 2 արկղեր, որոնց մեջ դրված են հավասար քանակությամբ հատապտուղ, միրգ կամ բանջարեղեն: Զուգորդման միջոցով որոշում են, թե որ խմբի առարկաներն են շատ: Հետո ուսացիչը առաջարկում է ջնջել դրանցից մեկը և հարցնում է, թե ինչ տեղի ունեցավ քանակի հետ: Պետք է սանը պատասխանի, որ պակասեց, նույնը կարելի է անել ավելացման հետ…
ՏՀՏ
օտար լեզուներին, մաթեմատիկային վերաբերող և այլ համակարգչային խաղեր, լուսանկարչական հմտությունների ձևավորում:
Ներկա-բացակայի էլեկտրոնային թերթիկին իր նկարի դիմաց ամեն օր օրինակ ն տառով նշում է իր ներկան: /10 օր մի տառով նշել, որպեսզի ամրապնդվի, հետո մեկ այլ տառով/:
Կերպարվեստ տեխնոլոիա
- Մրգերով և բանջարեղենով աղցաններ պատրաստել:
- Մրգերի և բանջարեղենի կերպավորում:
- Տիկնիկների պատրաստելու տեխնոլոգիա- տիկնիկային ներկայացման տիկնիկներ պատրաստել «Հեքիաթների շիլափլավ»-ի համար:
Միջավայրի խնամք
- Հոկտեմբերի5-6 Ծառատունկ-ծաղկատունկ «Ես իմ ծառն ու թուփն ունեմ մեր պարտեզում»_ սաները ծնողների, տատիկ-պապիկների հետ մասնակցում են ծառատունկին:
- Ամեն երեխա իր թաղարն է մշակում
Հոկտեմբերի 6-10 լավաշթխիկ- ճամփորդություն կազմակերպել այնպիսի վայր, որտեղ սաները կտեսնեն, թե ինչպես են լավաշ թխում:
Մենք նույնպես կփորձենք այդ օրինակով լավաշ թխել:
Երգ–պար
- Երգերի, պարային պարզագույն շարժումների ուսուցում
- Աշխատանքային երգեր և դրանց համապատասխան խաղեր
Մարմնակրթություն
Ամենօրյա ֆիզիկական գործունեություն
Մարմնամարզություն
լողուսուցում
Մարզական խաղեր /Ազգային խաղեր/
Նոյեմբեր
Խոսքի զարգացում
Ստեղծագործական երևակայության զարգացում- «Ստեղծագործական երկանդամ» պատմություններ աշնանային երևույթների շուրջ:
Հեքիաթների շիլափլավ-խաղ «Անհաղթ աքլորը» ներկայացում:
Նախադասություն կազմելու հմտության ձևավորում- խմբային պատմության հորինում մեկական նախադասությամբ: Նախ ամեն մեկը մի առարկա է ստանում և «մի բան է ասում դրա մասին», հետո ասածները (նախադասությունները) միացնում ենք:
Ուրախ ընթերցարան «Աշուն» «Լավաշ» «Թթու» էջերի ստեղծում :
Բոլոր սաները մուտքագրում են այս բառերը: Ամեն սովորող իր փաթեթում ունենում է այս էջերը:
Բանաստեղծություն սովորել` Հ. Թումանյան §Տերևաթափ¦
Լեզվամտածողության զարգացում- թթու, լավաշ բառերին պարզագույն բառեր միացումով նոր բառերի ստացում/ թթու+ ջուր =թթվաջուր
Ջուր + թթու = ջրաթթու…
Զրույց՝
ի՞նչ է թթուն
Ո՞վ է մեր տան թթու դնողը
Ի՞նչ է պետք թթու դնելու համար…
Նկարագրություն. նկարագրում են թթվի բաղադրիչները և նկարում են բանջարեղենները:
Բնութագրում. բնութագրում են թթվի բաղադրիչները և նկարում այս անգամ՝ դեմքով ասենք՝ մեծ քթով, մորուքով, խուճուճ մազերով… բադրիջան կամ կաղամբ
Պատում. պատմում են թթվի նախապատրաստության մասին, դաստիարակը նկարահանում է պատումը, եթե այդ օրը պատումները դիտելու հնարավորություն կա, դիտում են պատումները, եթե՝ ոչ, հաջորդ օրն են դիտում:
Թթու դնելու ծես
Նոյեմբեր 13-16 -Մխիթար Սեբաստացու օրեր. կրթահամալիրի տոնը («Թթուդրիկ», «Լավաշթխիկ»)- Յուրաքանչյուրը կրթահամալիրը բնութագրող բառեր են մուտքագրում, նկարում այն, իսկ ուսուցիչը ֆիլմ է նկարահանում:
Ծնողների հետ պատմում են կրթահամալիրի մասին, նկարահանում, ֆիլմ են պատրաստում:
խաղ Պուտ-պուտ Ծուղրուղու¦ ժողովածուի §Խաղադարան¦ բաժին
Մաթեմատիկա
10-ից ետ է հաշվում` մեկական հանելով:
10-ից ետ է հաշվում` երկուական հանելով:
Չափումներ՝ առանց չափման միավորների
Սկզբում միայն չափում են և պարզապես նշում չափսերը՝ իմ նստարանի երկարությունը այսքան մատիտ է կամ՝ այսքան թիզ:
Հետո նույն «չափման գործիքով» չափում են տարբեր տարածքներ՝ իմ նստարանի երկարությունը այսքան թիզ է, լայնությունը՝ այսքան թիզ:
Այնուհետև չափում են նույն տարածքը չափում են նույն «չափման գործիքի» տարբեր չափերով՝ իմ թզով պատուհանի գոգը այսքան թիզ է, իսկ ընկերոջս թզով՝ այսքան:
Չափում են տարբեր տարածքներ նույն գործիքով՝ պարանով, ժանյակով, մի քանի ամրակ իրար միացնելով , թելով և համեմատում՚ թելով կամ պարանով չափում են դասարանի հատակի երկարությունը, մի այլ թելով կամ պարանով չափում են դասարանի հատակի լայնությունը: Հետո դրանք համադրում-համեմատում են և որոշում՝ հատակի որ մասն է ավելի երկար կամ՝ կարճ:
Պետք է այս հմտություններն ամրապնդել գործնական աշխատանքի միջոցով, որպեսզի տպավորվի և երբեք չմոռացվի:
Օրինակ՝ չափել իրենց մարմնի մասերը.
Երկու ձեռքը դնել իրար վրա և համեմատել, կտեսնեն, որ դրանք հավասար են: Հետո նույնը կարելի է անել ընկերների հետ համեմատելով իրենց ձեռքը:
Այս դեպքում տարբերությունը կտեսնեն, կասեն ում ձեռքի մատերն են ավելի երկար, ումը կարճ…
Չափել իրենց իսկ ցանած սածիլի երկարությունը թիզով, մատի երկարությամբ և համադրել, համեմատելը մեկը մյուսի հետ:
Որոշել ում կտրոնն է ամենաշատը աճել, հետևաբար ումն է ամենաերկարը, ումը՝ կարճը:
Այս ամենը ուսուցիչը նկարահանում է, տեղադրում իրենց դասարանական բլոգում, որը նայելուց ևս մեկ անգամ ամրապնդվում է արդեն ձեռք բերված գիտելիքները:
Երկրաչափական պատկերներ
Ուղղանկյուն, եռանկյուն, քառակուսի, գունդ, խորանարդ, բուրգ, կոն .
սրանք երեխաները պատրաստում են գունավոր ստվարաթղթերով, ծեփամածուկով, կավով:
Պատրաստելու ընթացքում ուսուցիչը հետևում է, որ սաների գործողություններն ուղեկցվեն խոսքով: ( Ես շրջան եմ պատրաստոմ, ես եռանկյունի, եռանկյունը ունի երեք կողմ, երեք անկյուն, երեք գագաթ, ես քառակուսի եմ պատրաստում, քառակուսին ունի չորս կողմ…)
Երկրաչափական պատկերներով տուն թխել: Տունը պատրաստելիս կիրառել տարբեր երկրաչափական պատկերներ՝ եռանկյուն տանիք, ուղղանկյուն դուռ, քառակուսի պատուհաններ, կլոր բռնակ…
Smart ծրագրով կտրվի տարբեր երկրաչափական պատկերներ և կհանձնարարվի, որ եռանկյունը ներկեն կապույտ գույնի, շրջանը՝ կարմիր, քառակուսին՝ կանաչ, խորանարդը՝ սև…
Արդյունքում կամրապնդեն երկրաչափական պատկերների անվանումները և կվերհիշեն գույները:
Համակարգչի paint ծրագրով կնկարեն տարբեր իրեր, որոնք կազմված են երկրաչափական պատկերներից.
Օրինակ՝ սեղան, աթոռ, պահարան, ավտոմեքենա, համակարգիչ, հեռուստացույց…
Կարելի է երևակայությունը զարգացնող տարբեր հարցեր տալ. Ինչի՞ եք նմանեցնում շրջանը, եռանկյուը, քառակուսին, ուղղանկյունը…
Խմբավորել երկրաչափական պատկերները ըստ տարբեր հատկությունները /փոքր քառակուսիներ լցրու զամբյուղի մեջ, մեծերը՝ ափսեի մեջ, միջին չափի քառակուսիները լցրու դույլի մեջ և այլն/:
Համեմատել պատկերները, համադրել, հաշվել…
Թվերի կազմությունը
Մեկական ավելացնելով ստանալ հաջորդ թիվը և պարզել, որ այդ հաջորդ թվի մեջ կա նախորդը և ավելացված մեկը
2-ի ստացում՝ 1 առարան կա, ինչպես այն 2 առարկա դարձնել: Ավելացնում են ևս մի առարկա. ուրեմն՝ 2-ի մեջ կա 2 հատ մեկ
2 առարկա կա, ինչպես դարձնել 3… 3-ի մեջ կա 2 և 1
4-ի մեջ կա 3 և 1
5- մեջ կա 4 և 1:
Հաջորդ քայլը. 4 առարկան քանի՞ ձևով կարելի է ստանալ.
4 առարկայից առանձնացնում են 1-ը. 4-ի մեջ կա մի 1 և մի 3:
2-ն են առանձնացնում. 4-ի մեջ կա 2 և 2:
3-ն են առանձնացնում. 4-ի մեջ կա 1 և 3:
Նույն սկզբունքով պարզում են 3-ի կազմությունը, 5-ի կազմությունը:
Մրգերը, բանձարեղենը դասավորելու միջոցով 3, 4 ստանալ /1+1+1, 1+1+1+1 , 2+1, 3+1, 4+1/:
ՏՀՏ հմտություններ
Լուսնկարչական հմտությունների ձևավորում, ամրապնդում, Smart ծրագրի գործիքների ծանոթացում, օգտագործում, / տեղափոխում, ջնջում, ավելացում…/, աշխատանք Paint ծրագրով, Word. Էջ բացել, մուտքագրել:
Միջավայրի խնամք
- Ամեն առավոտ դասասենյակը, բակը մաքրել, ծառերը, ծաղիկները ջրել:
- Խոհանոցում իրենք են սպասքադրում սեղանը, մատուցում ուտելիքը, իսկ ուտելուց հետո հավաքում են, սրբում սեղանը:
- Ամեն երեխա իր թաղարն է մշակում:
- Մխիթար Սեբաստացու օրերին («Թթուդրիկ», «Լավաշթխիկ») –թթու են դնում, լավաշ են թխում:
- Թթու դնելիս ձվով փորձ անել — «Կախված ձուն:»
- Խոշորացույցով ուսումնասիրում են թթվի բանջարեղենը և առանց կտրել և կտրատած վիճակում: Դիտում են, պատմում են տեսածի մասին, դատողություններ են անում տեսածի շուրջ, համեմատություններ են կատարում:
Կերպարվեստ տեխնոլոիա
- Մրգերի և բանջարեղենի կերպավորում:
- Թափոններից իրերի պատրաստում «Ուրախ գլխարկներ»
- Նկարում են Paint ծրագրով «Իմ կրթահամալիրը», «Աշուն»,…
- Աշնանային կոլաժ
Երգ–պար
- Պարային պարզագույն շարժումների ուսուցում
- Աշխատանքային երգեր և դրանց համապատասխան խաղեր
- Ծեսի երգը՝ Ջան, ջան, ջան, աշուն է¦
Մարմնակրթություն
Ամենօրյա ֆիզիկական գործունեություն
Մարմնամարզություն
Մարզական խաղեր
Աշնանային պարտեզ- Նախագծեր
Սեպտեմբերի 26-2 հեղինակային կրթական ծրագրերի աշնանային ամենամյա ստեղծագործական 8-րդ հավաք. Եղանակային պարտեզի՝ (աշնանային, ձմեռային, ամառային, գարնանային ) ծրագրի, ամենամսյա ստուգատեսների նախագծերի ներկայացում
Սեպտեմբերի 22- հոկտեմբերի 10 — «Սկիզբ. Ես կարողանում եմ» նախապատրաստական ուսուցման դասարանների սաների նախնական կարողությունների ուսումնասիրում-գրանցում
Սեպտեմբեր մանկական մարզատոն. «Հեծանիվ ու էլի անիվ»
Հոկտեմբեր «Մուկն ու կատու» ազգային բակային շարժուն խաղեր
Հոկտեմբերի 5 ուսուցչի օր. տոնական ցուցադրություններ. կավ, պլաստիլին, ֆոտո
Հոկտեմբերի 5-6 Ծառատունկ-ծաղկատունկ «Ես իմ ծառն ու թուփն ունեմ մեր պարտեզում»
Հոկտեմբերի 4-6 DigiTec Expo 201
Հոկտեմբերի 6-10 Լավաշթխիկ
Հոկտեմբերի 17-27 Խնկոյանական օրեր. «Տիկնիկ» թատերական ստուգատես
Հոկտեմբերի 25- նոյեմբերի 15
պարտեզների նախապատրաստում ձմեռվան
Նոյեմբերի 1-10 — «Սասնա ծռեր» օրեր
Նոյեմբերի 17-21 – Ընտանեկան ֆիլմեր մեդիայում. «Ես, դու, մենք…»
Նոյեմբերի 13-16 — Մխիթար Սեբաստացու օրեր. կրթահամալիրի տոնը («Թթուդրիկ», «Լավաշթխիկ»)
Դեկտեմբեր
Խոսքի զարգացում
Ստեղծագործական երևակայության զարգացում- Նոր ավարտ են մտածում հեքիաթի, պատմության համար կամ փոխում է ավարտը:
Վերցնում ենք սաներին արդեն ծանոթ հեքիաթ կամ պատմություն, որն արդեն լավ հասկացել են, պատմում են և փոփոխում են` մտածելով նոր ավարտ կամ փոխում են ավարտը օրինակ` «Անհաղթ աքլոր», «Ուլիկ», «Ծիտը», «Ճամփորդները» , «Պոչատ աղվես»,…Թատերական ներկայացում
Խոսքում հնչյունների հստակ արտասանելու և բառերի հնչյունները լսելուունակության ձևավորում– երաժշտական համապատասխան խաղերի միջոցով:
Դեկտեմբերի 24 –հունվարի 5 ամանորյա ծես նախակրթարանում
Նախադասություն կազմելու հմտության ձևավորում- խմբային պատմության հորինում մեկական նախադասությամբ: Նախ ամեն մեկին իմ բառ է ասում ուսուցիչը տոնի հետ կապված և յուրաքանչյուրը այդ բառով մի նախադասություն է կազմում, հետո ասածները (նախադասությունները) միացնում ենք և ստանում ենք պատմություն:
Ամանորյա ուրախ ընթերցարան ենք ստեղծում – ամեն մեկը տոնին բնորոշող մի էջ է ստեղծում. օրինակ` նկարում և գրում է տոնածառ: Վերջում էջերը ուսուցիչը միացնում է իրար:
Բանաստեղծություն ձմռան մասին — «Առաջին ձյուն»- արտասանում են վանկատելով, բառերը հեգելով:
Լեզվամտածողության զարգացում- Բառախաղ՝ միացնում են 2 պատահական բառեր, նոր բառ են ստանում և բացատրում են նոր ստացված բառի իմաստը:
Պատում. պատմում են իրենց կյանքի ընթացքում անցկացրած ամենալավ ամանորի, իրենց ստացած նվերների, հյուրերi և այլնի մասին:
Ամանորյա ուտեստների մասին հարցազրույց են վերցնում հարազատներից, տատիկներից, մայրիկներից:
Նամակ Ձմեռ պապիկին-յուրաքանչյուրը մեկ բառ է մուտքագրում, իր ցանկացած նվերի անվանումը:
Շնորհավորանք– ծնողներին, տատի-պապիկներին շնորհավորում են` մեկական բառ մուտքագրելով: Ուսուցչի օգնությամբ այդ բառը կուղարկեն ծնողների էլեկտրոնային հասցեներին:
Մաթեմատիկա
Բանավոր հաշիվ 1-ից 100-ը –ամեն օր
Հաշվում ենք տասնյակներով մինչև 100-ը:
20-ից ետ է հաշվում՝ մեկական հանելով:
20-ից ետ է հաշվում՝ երկուական հանելով:
Որոշում է մինչև 10-ը տրված բնական թիվը որ թվին է նախորդում և որ թվին է հաջորդում:
Պարզ խնդիրներ հաշվելու, համեմատելու, գումարման և հանմանվերաբերյալ:
Ուսուցիչը բանավոր խնդիրներ է հարցնում, սաները լուծում են.
օրինակ` Անահիտը ունի 7 հատ տոնածառի խաղալիք, իսկ Արմենը 3 հատ: Միասին քանի՞ խաղալիք ունեն:
Որից հետո ուսուցիչը առաջարկում է, որ նկարեն առաջարկված խնդիրը paint նկարչական ծրագրի օգնությամբ::
Աշխատում են խմբերով՝ ամեն խմբում 4-5 սան: Ամեն խումբ ունենում է իր պատրաստած ամանորյա բացիկները:
Բանավոր հաշիվ. հաշվում են իրենց պատրաստած բացիկները:
Համեմատում. համեմատում են դրանց չափերը դասավորելով՝ մեծից փոքր և փոքրից մեծ
Ավելացում. ավելացնում են նկարներով 3-ին ավելացնում են 1, 2
Պակասեցում՝ 5 նկարից հանում են 1, 2 :
Համեմատում է միանիշ թվերը և պարզում` մեկը մյուսից ինչքանով է մեծ կամփոքր:
Մաթեմատիկական on line խաղեր են խաղում:
ՏՀՏ հմտություններ
Լուսնկարչական հմտությունների ձևավորում, ամրապնդում, Smart ծրագրի գործիքների ծանոթացում, օգտագործում, / տեղափոխում, ջնջում, ավելացում…/, աշխատանք Paint ծրագրով, Word. Էջ բացել, մուտքագրել:
Միջավայրի խնամք
- Ամեն առավոտ դասասենյակը, բակը մաքրել, ջրել թաղարների ծաղիկները:
- Խոհանոցում իրենք են սպասքադրում սեղանը, մատուցում ուտելիքը, իսկ ուտելուց հետո հավաքում են, սրբում սեղանը:
- Ամանորյա գաթա թխել:
- Խմորից տոնածառի խաղալիքներ թխել:
Կերպարվեստ տեխնոլոիա
- Ամանորյա բացիկ պատրատել
- Անսովոր տոնածառ պատրաստել
- Անսովոր խաղալիքներ
- Թափոններից ուրախ, ամանորյա գլխարկների պատրաստում
- Նկարում են Paint ծրագրով
Երգ–պար
- Պարային ուսուցում
- Աշխատանքային երգեր և դրանց համապատասխան խաղեր
Երաժշտական խաղ՝ §Քուրիկ Զիզի¦, §Փուչիկ¦. §Ծուղրուղու¦ ժողովածուի խաղադարան բաժին:
- Ամանորյա երգերի ուսուցում
Մարմնակրթություն
Ամենօրյա ֆիզիկական գործունեություն
Մարմնամարզություն
Բակում, որևէ այգում ձնեմարդ պատրաստել, ձնագնդի խաղալ
Մարզական խաղեր
Ճամփորդությում- թատրոն` ամանորյա ներկայացում դիտելու:
Ձմեռային պարտեզ
Դեկտեմբերի 24 –հունվարի 5 ամանորյա ծես նախակրթարանում
Հունվարի 5-6 Սուրբ Ծնունդ
Հունվարի 8- 23 «Ես կարողանում եմ». նախապատրաստական ուսուցման դասարանների կիսամյա
հաշվետվությություններ
Հունվարի 27- 31 ուսումնական առաջին կիսամյակի ամփոփում, կրթական ծրագրերի իրականացման գնահատում
Փետրվարի 1 –մարտի 2
«Անհաղթ աքլորը». թումանյանական թատերական խաղեր
Փետրվարի 21– մայրենի լեզվի միջազգային օր. ասմունք բոլոր սրահներում
Փետրվարի 15 Տյառնընդառաջ_ Բարեկենդան
Աշխատանքայն նախագիծ
5 տարեկանների ուսուցման խումբ
Աշխատանքայն նախագիծ
01.09.2014թ.
09.00- 09.30 Առավոտյան ծես
Տոնական ընդունելություն
Մասնակցություն ընդհանուր պարապմունքին
Առավոտյան ծես
Ուրախ մարմնամարզություն
Մարզում ենք մեր մարմինը` դառնում ենք տարբեր կենդանիներ
Ծափխաղ՝ Զարկ բոլոճիկը:
Առավոտյան ողջույնի ու ծանոթության խաղ. «Բարի լույս, ես…»
10.30- 11.00 նախաճաշ
12.30-13.00 Ճաշ
15.30- 16.00 հետճաշիկ
Պատումներ: Սովորողները պատմում են իրենց մասին: Նախորդ օրվա մասին:
Ես ներկա եմ. էլեկտրոնային գրատախտակին մեր ներկան ենք նշում/
Օրվա համրանքը
Ինչն է մի հատ, ով է մեկը այս աշխարհում (օրինակ՝ արևը)
Ինչն է 2 հատ, կամ ովքեր են երկուսն այս աշխարհում: (օրինակ՝ տատիկները)
Օրվա ֆլեշմոբը Մանկական ֆլեշմոբ
Օրվա երգ- պար — <<Կիկլիկո>>
Կիկլիկո
Կիկի կիկի կիկլիկո, խորոզ տարան Կիկլիկո. Վայ~…….
Ձորն ի վար ծնեբակ,
Նման արեգակ:
1.Տարան գցին ամբարը,
Վերին դրին մեծ քարը.
Վայ իմ խորոզ Կիկլիկո
Նախշուն խորոզ Կիկլիկո Վայ~……..
Ձորն ի վեր ծնեբակ,
Նմանի արեգակ
2.Կատար ուներ արեգակ
Ձենը զնգուն քան զանգակ,
Վայ իմ խորոզ Կիկլիկո
Նախշուն խորոզ Կիկլիկո Վայ~……..
Ձորն ի վեր ծնեբակ,
Նմանի արեգակ
Կերպարվեստ-տեխնոլոգիա
Նկարել՝ ինչն է մի հատ աշխարհում
Կամ օրվա տրամադրությունը գույներով
Ստեղծագործական աշխատանք
Ինչ կենդանու եմ ես նման, ինչու:
Խաղ-դաս
Պատրաստվում ենք տուն գնալուն Ինքնուրույն զգեստափոխություն:
Տանը՝ տանեցիներին պատմել օրվա մասին:
Տանեցիներըրով որոշում են՝ ինչ բառ ուղարկել դպրոց՝ որպես բառ-նվեր:
Հինգ տարեկանների ամառային առօրյան
Բարև, ես հինգ տարեկանների խմբի դասվարն եմ
Մի քիչ պատմեմ իմ մասին:
Ես սովորել եմ Ինտերլինգվա լեզվագիտական համալսարանում, այնուհետև կրթահամալիրի մանկավարժական քոլեջում: Եղել եմ կրթահամալիրի շրջանավարտ, դեռ դպրոցական տարիներից ծանոթ եմ եղել միջավայրին, ուսուցիչներին: Հաճույքով աշխատում եմ Գեղարվեստի կրտսեր դպրոցում 2011 թվականից, այս տարի իմ սովորողներն ավարտում են երրորդ դասարանը:
Սիրով հրավիրում եմ սովորելու հինգ տարեկանների նախապատրաստական խմբում, այս ազատ և ջերմ միջավայրում մեզ սպասվում է երկար ճանապարհ` լի բազում հետաքրքրություններով, բացահայտումներով, ճամփորդություններով…
Սովորողները պատմում են իմ մասին:
Իմ CV-ն:
Առօրյա գործունեությունը` մեր բլոգում: