Ամանոր | anushatayan

Ամանորի ծեսը 3-րդ դասարանում

Նախագիծ

Նախագծի ընթացքը դեկտեմբերի 1-ից-27-ը

Ամանորյա նախագծի ընթացքը համընկնում է ձմեռային ուսումնահետազոտական ճամբարի հետ /դեկտեմբերի16-ից-27-ը/

Նպատակը` Ամանարի ծեսի նախապատրաստում, ամանորյա նախագծի իրականացում

Խնդիրները`

Ստեղծել ամանորյա մեդիաբացիկներ
Զարգացնել սովորողների տհտ հմտությունները
Զարգացնել տեղեկություններ հավաքելու ունակությունը որոնողական կայքերից
Ստեղծել ամանորյա երևակայական, անսովոր մեդիաբարեմաղթանքներ paint, movie maker ծրագրերով
Կիրառել տեխնոլոգիական հմտություններ
Պատրաստել ամանորյա կարաոկեներ
Զարգացնել բանավոր խոսքը, հիշողությունը, լսածը կամ կարդացածը վերարտադրելու ունակությունը

Նախապատրաստական փուլ

Զրուցել երեխաների հետ ամանորի, ամանորյա հրաշքների, երազանքների, ցանկությունների մասին: Համացանցի միջոցով տանը և դասարանում ահատական նեթբուքերով փնտրել հետաքրքիր ամանորյա զարդարանքներ, որոնցով կզարդարենք դասարանը: Առանձնացնել նյութերը, որոնցով կաշխատենք: Բաժանել ճամբարային օրերը, ըստ այդ օրերի իրականացնել ամանորյա նախագիծը:

Աշխատանքային փուլ

Խաղալիքների օր` երեխաները բերում են լամպեր, թելեր և ստանում են կերպարներ: Մեկանգամյա օգտագործման ափսեներից, ֆետրերից ստանում են ձնեմարդուկներ:
Անսովոր տոնածառի օր` յուրաքանչյուր երեխա բերում է մի քանի հատ լուսանկար/ցանկալի կլինի փոքր ժամանակվա լուսանկարներից/ և լուսանկարների միջոցով ստանում ենք անսովոր տոնածառ:
Մեդիաբացիկների, բացիկների օր` երեխաներն իրենց անհատական նեթբուքերով, paint ծրագրով նկարում և գրում են իրենց ցանկությունները: Համացանցում փնտրում են հետաքրքիր բացիկների ձև, պատրաստում դասարանում և նվիրում ուսուցիչներին:
Տոնական սպորտլանդիայի օր` 1-4-րդ դասարանները ձմեռ պապիկի գլխարկներով, մարզական հագուստներով, խաղեր են խաղում, մրցում իրար հետ:
Համով օր` երեխաները բերում են խաշած ձվեր, գազար, կանաչի, հատիկով սև բիբար, փայտիկներ և ստանում են ձմեռ պապիկներ, իսկ վերջում ուտում են:
Անսովոր հագուստների, սանրվածքների օր` երեխաները տոնական կամ անսովոր հագնված գալիս են դպրոց, իսկ դպրոցում վարսահարդարները գեղեցիկ հարդարում են նրանց մազերը, վերջնական արդյունքը ցուցադրում են պոդիումի վրա:
Ամանորյա երգերի, կարաոկեների, շնորհավորանքների օր`այդ օրը երեխաները ամանորյա երգեր են լսում և երգում, ընտրում են ամենասիրված երգերը և կարաոկեներ պատրաստում, առանձնացնում են բառերը, բաժանում են հատվածների և սկսում paint-ով նկարել: